יִרְמְיָהוּ י״ח:ד׳-י׳

ד׳

ונשחת הכלי אשר הוא עשה בחמר ביד היוצר ושב ויעשהו כלי אחר כאשר ישר בעיני היוצר לעשות׃

ה׳

ויהי דבר יהוה אלי לאמור׃

ו׳

הכיוצר הזה לא אוכל לעשות לכם בית ישראל נאם יהוה הנה כחמר ביד היוצר כן אתם בידי בית ישראל׃

ז׳

רגע אדבר על גוי ועל ממלכה לנתוש ולנתוץ ולהאביד׃

ח׳

ושב הגוי ההוא מרעתו אשר דברתי עליו ונחמתי על הרעה אשר חשבתי לעשות לו׃

ט׳

ורגע אדבר על גוי ועל ממלכה לבנת ולנטע׃

י׳

ועשה הרעה בעיני לבלתי שמע בקולי ונחמתי על הטובה אשר אמרתי להיטיב אותו׃