היו עושי הדבר

אִגֶּרֶת יַעֲקֹב א׳:י״ט-כ״ז

י״ט

על זאת אחי אהובי יהי כל איש מהיר לשמע קשה לדבר וקשה לכעוס׃

כ׳

כי כעס אדם לא יפעל צדקת אלהים׃

כ״א

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

כ״ב

והיו עשי הדבר ולא שמעיו לבד לרמות את נפשכם׃

כ״ג

כי האיש אשר רק שמע את הדבר ולא עשהו נמשל לאיש מביט את תאר הויתו במראה׃

כ״ד

כי הביט אל מראהו וילך לו וברגע שכח מה תארו׃

כ״ה

אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃

כ״ו

איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃

כ״ז

זאת העבודה הטהורה והברה לפני האלהים אבינו לבקר את היתומים והאלמנות בלחצם ולשמר את עצמו נקי מחלאת העולם׃