כי ילד יולד לנו

יְשַׁעְיָהוּ ט׳:ב׳-ז׳

ב׳

העם ההלכים בחשך ראו אור גדול ישבי בארץ צלמות אור נגה עליהם׃

ג׳

הרבית הגוי לא הגדלת השמחה שמחו לפניך כשמחת בקציר כאשר יגילו בחלקם שלל׃

ד׳

כי את על סבלו ואת מטה שכמו שבט הנגש בו החתת כיום מדין׃

ה׳

כי כל סאון סאן ברעש ושמלה מגוללה בדמים והיתה לשרפה מאכלת אש׃

ו׳

כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אביעד שר שלום׃

ז׳

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃