יְשַׁעְיָהוּ מ׳:כ״א-כ״ו

כ״א

הלוא תדעו הלוא תשמעו הלוא הגד מראש לכם הלוא הבינתם מוסדות הארץ׃

כ״ב

הישב על חוג הארץ וישביה כחגבים הנוטה כדק שמים וימתחם כאהל לשבת׃

כ״ג

הנותן רוזנים לאין שפטי ארץ כתהו עשה׃

כ״ד

אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃

כ״ה

ואל מי תדמיוני ואשוה יאמר קדוש׃

כ״ו

שאו מרום עיניכם וראו מי ברא אלה המוציא במספר צבאם לכלם בשם יקרא מרב אונים ואמיץ כח איש לא נעדר׃