TRV
בְּרֵאשִׁית ל״ט:י״א-כ׳
י״א
ויהי כהיום הזה ויבא הביתה לעשות מלאכתו ואין איש מאנשי הבית שם בבית׃
י״ב
ותתפשהו בבגדו לאמר שכבה עמי ויעזב בגדו בידה וינס ויצא החוצה׃
י״ג
ויהי כראותה כי עזב בגדו בידה וינס החוצה׃
י״ד
ותקרא לאנשי ביתה ותאמר להם לאמר ראו הביא לנו איש עברי לצחק בנו בא אלי לשכב עמי ואקרא בקול גדול׃
ט״ו
ויהי כשמעו כי הרימתי קולי ואקרא ויעזב בגדו אצלי וינס ויצא החוצה׃
ט״ז
ותנח בגדו אצלה עד בוא אדניו אל ביתו׃
י״ז
ותדבר אליו כדברים האלה לאמר בא אלי העבד העברי אשר הבאת לנו לצחק בי׃
י״ח
ויהי כהרימי קולי ואקרא ויעזב בגדו אצלי וינס החוצה׃
י״ט
ויהי כשמע אדניו את דברי אשתו אשר דברה אליו לאמר כדברים האלה עשה לי עבדך ויחר אפו׃
כ׳
ויקח אדני יוסף אתו ויתנהו אל בית הסהר מקום אשר אסורי המלך אסורים ויהי שם בבית הסהר׃
Settings