לוט ובנותיו: מוצא מואב ועמון

ל׳

ויעל לוט מצוער וישב בהר ושתי בנתיו עמו כי ירא לשבת בצוער וישב במערה הוא ושתי בנתיו׃

ל״א

ותאמר הבכירה אל הצעירה אבינו זקן ואיש אין בארץ לבוא עלינו כדרך כל הארץ׃

ל״ב

לכה נשקה את אבינו יין ונשכבה עמו ונחיה מאבינו זרע׃

ל״ג

ותשקין את אביהן יין בלילה הוא ותבא הבכירה ותשכב את אביה ולא ידע בשכבה ובקומה׃

ל״ד

ויהי ממחרת ותאמר הבכירה אל הצעירה הן שכבתי אמש את אבי נשקנו יין גם הלילה ובאי שכבי עמו ונחיה מאבינו זרע׃

ל״ה

ותשקין גם בלילה ההוא את אביהן יין ותקם הצעירה ותשכב עמו ולא ידע בשכבה ובקמה׃

ל״ו

ותהרין שתי בנות לוט מאביהן׃

ל״ז

ותלד הבכירה בן ותקרא שמו מואב הוא אבי מואב עד היום׃

ל״ח

והצעירה גם הוא ילדה בן ותקרא שמו בן עמי הוא אבי בני עמון עד היום׃