TRV
יְחֶזְקֵאל מ״ח:כ״ג-כ״ט
כ״ג
ויתר השבטים מפאת קדמה עד פאת ימה בנימן אחד׃
כ״ד
ועל גבול בנימן מפאת קדימה עד פאת ימה שמעון אחד׃
כ״ה
ועל גבול שמעון מפאת קדימה עד פאת ימה יששכר אחד׃
כ״ו
ועל גבול יששכר מפאת קדימה עד פאת ימה זבולן אחד׃
כ״ז
ועל גבול זבולן מפאת קדמה עד פאת ימה גד אחד׃
כ״ח
ועל גבול גד אל פאת נגב תימנה והיה גבול מתמר מי מריבת קדש נחלה על הים הגדול׃
כ״ט
זאת הארץ אשר תפילו מנחלה לשבטי ישראל ואלה מחלקתם נאם אדני יהוה׃
Settings