יְחֶזְקֵאל א׳:ה׳-י׳

ה׳

ומתוכה דמות ארבע חיות וזה מראיהן דמות אדם להנה׃

ו׳

וארבעה פנים לאחת וארבע כנפים לאחת להם׃

ז׳

ורגליהם רגל ישרה וכף רגליהם ככף רגל עגל ונצצים כעין נחשת קלל׃

ח׳

וידו אדם מתחת כנפיהם על ארבעת רבעיהם ופניהם וכנפיהם לארבעתם׃

ט׳

חברת אשה אל אחותה כנפיהם לא יסבו בלכתן איש אל עבר פניו ילכו׃

י׳

ודמות פניהם פני אדם ופני אריה אל הימין לארבעתם ופני שור מהשמאול לארבעתן ופני נשר לארבעתן׃