שְׁמֹות כ׳:י״ט-כ״ו
י״ט
ויאמרו אל משה דבר אתה עמנו ונשמעה ואל ידבר עמנו אלהים פן נמות׃
כ׳
ויאמר משה אל העם אל תיראו כי לבעבור נסות אתכם בא האלהים ובעבור תהיה יראתו על פניכם לבלתי תחטאו׃
כ״א
ויעמד העם מרחק ומשה נגש אל הערפל אשר שם האלהים׃
כ״ב
ויאמר יהוה אל משה כה תאמר אל בני ישראל אתם ראיתם כי מן השמים דברתי עמכם׃
כ״ג
לא תעשון אתי אלהי כסף ואלהי זהב לא תעשו לכם׃
כ״ד
מזבח אדמה תעשה לי וזבחת עליו את עלתיך ואת שלמיך את צאנך ואת בקרך בכל המקום אשר אזכיר את שמי אבוא אליך וברכתיך׃
כ״ה
ואם מזבח אבנים תעשה לי לא תבנה אתהן גזית כי חרבך הנפת עליה ותחללה׃
כ״ו
ולא תעלה במעלת על מזבחי אשר לא תגלה ערותך עליו׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל
Settings