שְׁמֹות י״ב:ל״א-ל״ו

ל״א

ויקרא למשה ולאהרן לילה ויאמר קומו צאו מתוך עמי גם אתם גם בני ישראל ולכו עבדו את יהוה כדברכם׃

ל״ב

גם צאנכם גם בקרכם קחו כאשר דברתם ולכו וברכתם גם אתי׃

ל״ג

ותחזק מצרים על העם למהר לשלחם מן הארץ כי אמרו כלנו מתים׃

ל״ד

וישא העם את בצקו טרם יחמץ משארתם צררת בשמלתם על שכמם׃

ל״ה

ובני ישראל עשו כדבר משה וישאלו ממצרים כלי כסף וכלי זהב ושמלת׃

ל״ו

ויהוה נתן את חן העם בעיני מצרים וישאלום וינצלו את מצרים׃