קֹהֶלֶת ד׳:ג׳

מציג את פסוק ג׳ עם ההקשר הסובב.

א׳

¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

ב׳

ושבח אני את המתים שכבר מתו מן החיים אשר המה חיים עדנה׃

ג׳

וטוב משניהם את אשר עדן לא היה אשר לא ראה את המעשה הרע אשר נעשה תחת השמש׃

ד׳

וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃

ה׳

הכסיל חבק את ידיו ואכל את בשרו׃

ו׳

טוב מלא כף נחת ממלא חפנים עמל ורעות רוח׃