דָּנִיֵּאל ד׳:א׳-ז׳

א׳

¶ נבוכדנצר מלכא לכל עממיא אמיא ולשניא די דארין בכל ארעא שלמכון ישגא׃

ב׳

אתיא ותמהיא די עבד עמי אלהא עליא שפר קדמי להחויה׃

ג׳

אתוהי כמה רברבין ותמהוהי כמה תקיפין מלכותה מלכות עלם ושלטנה עם דר ודר׃

ד׳

אנה נבוכדנצר שלה הוית בביתי ורענן בהיכלי׃

ה׳

חלם חזית וידחלנני והרהרין על משכבי וחזוי ראשי יבהלנני׃

ו׳

ומני שים טעם להנעלה קדמי לכל חכימי בבל די פשר חלמא יהודענני׃

ז׳

באדין עללין חרטמיא אשפיא כשדיא וגזריא וחלמא אמר אנה קדמיהון ופשרה לא מהודעין לי׃