מַעֲשֵׂי הַשְּׁלִיחִים ט״ו:ל״ב-מ׳

ל״ב

ויהודה וסילא אשר גם הם נביאים נחמו האחים בדברים רבים ויחזקום׃

ל״ג

ויהיו שם ימים אחדים וישלחום האחים בשלום אל השליחים׃

ל״ד

וייטב בעיני סילא לשבת שם׃

ל״ה

ופולוס ובר נבא ישבו באנטיוכיא וילמדו ויבשרו את דבר יהוה המה וגם רבים אחרים עמם׃

ל״ו

ויהי מקץ ימים ויאמר פולוס אל בר נבא לכה ונשובה ונפקדה את אחינו בכל עיר ועיר אשר קראנו שם את דבר יהוה ונראה מה המה׃

ל״ז

ובר נבא יעץ לקחת אתם את יוחנן המכנה מרקוס׃

ל״ח

אך פולוס לא אבה לקחת אתם את האיש אשר סר מעליהם בפמפוליא ולא הלך אתם במלאכתם׃

ל״ט

ויהי רגז עד אשר נפרדו איש מאחיו ויקח בר נבא את מרקוס ויסע באניה אל קפרוס׃

מ׳

ופולוס בחר לו את סילא וימסרהו האחים אל חסד יהוה ויצא׃

נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל