פסיקת יעקב וגזירת השליחים

י״ג

ויכלו לדבר ויען יעקב ויאמר אנשים אחים שמעו אלי׃

י״ד

שמעון ספר איך האלהים ראה לו בראשונה לקחת מבין הגוים עם לשמו׃

ט״ו

ולזאת מסכימים דברי הנביאים ככתוב׃

ט״ז

אחרי זאת אשוב ואקים את סכת דויד הנפלת והרסותיה אקים ובניתיה׃

י״ז

למען ידרשו שארית אדם את יהוה וכל הגוים אשר נקרא שמי עליהם נאם יהוה עשה כל אלה׃

י״ח

נודעים לאלהים מעולם כל מעשיו׃

י״ט

ועל כן אני דן שלא להחמיר על השבים מן הגוים לאלהים׃

כ׳

רק לכתב אליהם אשר ירחקו מטמאת האלילים ומן הזנות ומבשר הנחנק ומן הדם׃

כ״א

כי משה מדרת עולם יש לו מגידיו בכל עיר ועיר ויקרא בבתי הכנסיות מדי שבת בשבתו׃