TRV
2 שְׁמוּאֵל כ״ג:י״ד
מציג את פסוק י״ד עם ההקשר הסובב.
י״א
ואחריו שמא בן אגא הררי ויאספו פלשתים לחיה ותהי שם חלקת השדה מלאה עדשים והעם נס מפני פלשתים׃
י״ב
ויתיצב בתוך החלקה ויצילה ויך את פלשתים ויעש יהוה תשועה גדולה׃
י״ג
וירדו שלשים מהשלשים ראש ויבאו אל קציר אל דוד אל מערת עדלם וחית פלשתים חנה בעמק רפאים׃
י״ד
ודוד אז במצודה ומצב פלשתים אז בית לחם׃
ט״ו
ויתאוה דוד ויאמר מי ישקני מים מבאר בית לחם אשר בשער׃
ט״ז
ויבקעו שלשת הגברים במחנה פלשתים וישאבו מים מבאר בית לחם אשר בשער וישאו ויבאו אל דוד ולא אבה לשתותם ויסך אתם ליהוה׃
י״ז
ויאמר חלילה לי יהוה מעשתי זאת הדם האנשים ההלכים בנפשותם ולא אבה לשתותם אלה עשו שלשת הגברים׃
Settings