2 מְלָכִים י״ט:ט״ו-י״ט

ט״ו

ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃

ט״ז

הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חי׃

י״ז

אמנם יהוה החריבו מלכי אשור את הגוים ואת ארצם׃

י״ח

ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃

י״ט

ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃

קרא פרק מלא י״ט

ראו גם

היכן עוד הכתוב אומר זאת

שְׁמֹות כ״ה:כ״ב
ונועדתי לך שם ודברתי אתך מעל הכפרת מבין שני הכרבים אשר על ארן העדת את כל אשר אצוה אותך אל בני ישראל׃
מפסוק ט״ו
2 דִּבְרֵי הַיָּמִים ו׳:מ׳
עתה אלהי יהיו נא עיניך פתחות ואזניך קשבות לתפלת המקום הזה׃
מפסוק ט״ז
2 מְלָכִים י״ט:ד׳
אולי ישמע יהוה אלהיך את כל דברי רב שקה אשר שלחו מלך אשור אדניו לחרף אלהים חי והוכיח בדברים אשר שמע יהוה אלהיך ונשאת תפלה בעד השארית הנמצאה׃
מפסוק ט״ז
יְשַׁעְיָהוּ ל״ז:י״ז
הטה יהוה אזנך ושמע פקח יהוה עינך וראה ושמע את כל דברי סנחריב אשר שלח לחרף אלהים חי׃
מפסוק ט״ז
תְהִלִּים ל״א:ב׳
הטה אלי אזנך מהרה הצילני היה לי לצור מעוז לבית מצודות להושיעני׃
מפסוק ט״ז
תְהִלִּים פ״ג:י״ח
וידעו כי אתה שמך יהוה לבדך עליון על כל הארץ׃
מפסוק י״ט
1 מְלָכִים ח׳:כ״ט
להיות עינך פתחות אל הבית הזה לילה ויום אל המקום אשר אמרת יהיה שמי שם לשמע אל התפלה אשר יתפלל עבדך אל המקום הזה׃
מפסוק ט״ז
דָּנִיֵּאל ט׳:י״ח
הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃
מפסוק ט״ז
מַעֲשֵׂי הַשְּׁלִיחִים י״ז:כ״ט
והנה בהיותנו ילידי האלהים לא נכון לנו לחשב כי האלהות תדמה לזהב או לכסף או לאבן מעשה חרש ומחשבת בני אדם׃
מפסוק י״ח
1 מְלָכִים ח׳:מ״ג
אתה תשמע השמים מכון שבתך ועשית ככל אשר יקרא אליך הנכרי למען ידעון כל עמי הארץ את שמך ליראה אתך כעמך ישראל ולדעת כי שמך נקרא על הבית הזה אשר בניתי׃
מפסוק י״ט
1 מְלָכִים י״ח:ל״ט
וירא כל העם ויפלו על פניהם ויאמרו יהוה הוא האלהים יהוה הוא האלהים׃
מפסוק ט״ו
2 מְלָכִים ה׳:ט״ו
וישב אל איש האלהים הוא וכל מחנהו ויבא ויעמד לפניו ויאמר הנה נא ידעתי כי אין אלהים בכל הארץ כי אם בישראל ועתה קח נא ברכה מאת עבדך׃
מפסוק ט״ו

היכן זה קורה

2 מְלָכִים י״ט:ט״ו-י״ט

בקטע זה

ראו גם

שְׁמֹות כ״ה:כ״ב

2 דִּבְרֵי הַיָּמִים ו׳:מ׳

2 מְלָכִים י״ט:ד׳

יְשַׁעְיָהוּ ל״ז:י״ז

תְהִלִּים ל״א:ב׳

תְהִלִּים פ״ג:י״ח

1 מְלָכִים ח׳:כ״ט

דָּנִיֵּאל ט׳:י״ח

מַעֲשֵׂי הַשְּׁלִיחִים י״ז:כ״ט

1 מְלָכִים ח׳:מ״ג

1 מְלָכִים י״ח:ל״ט

2 מְלָכִים ה׳:ט״ו

היכן זה קורה

Reading Style

Typeface

Font Size 19px

Options