TRV
2 מְלָכִים י״ז:א׳-ו׳
א׳
¶ בשנת שתים עשרה לאחז מלך יהודה מלך הושע בן אלה בשמרון על ישראל תשע שנים׃
ב׳
ויעש הרע בעיני יהוה רק לא כמלכי ישראל אשר היו לפניו׃
ג׳
עליו עלה שלמנאסר מלך אשור ויהי לו הושע עבד וישב לו מנחה׃
ד׳
וימצא מלך אשור בהושע קשר אשר שלח מלאכים אל סוא מלך מצרים ולא העלה מנחה למלך אשור כשנה בשנה ויעצרהו מלך אשור ויאסרהו בית כלא׃
ה׳
ויעל מלך אשור בכל הארץ ויעל שמרון ויצר עליה שלש שנים׃
ו׳
בשנת התשיעית להושע לכד מלך אשור את שמרון ויגל את ישראל אשורה וישב אתם בחלח ובחבור נהר גוזן וערי מדי׃
Settings