העם מביא מעשרות ותרומות

2 דִּבְרֵי הַיָּמִים ל״א:ה׳-י׳

ה׳

וכפרץ הדבר הרבו בני ישראל ראשית דגן תירוש ויצהר ודבש וכל תבואת שדה ומעשר הכל לרב הביאו׃

ו׳

ובני ישראל ויהודה היושבים בערי יהודה גם הם מעשר בקר וצאן ומעשר קדשים המקדשים ליהוה אלהיהם הביאו ויתנו ערמות ערמות׃

ז׳

בחדש השלשי החלו הערמות ליסוד ובחדש השביעי כלו׃

ח׳

ויבאו יחזקיהו והשרים ויראו את הערמות ויברכו את יהוה ואת עמו ישראל׃

ט׳

וידרש יחזקיהו על הכהנים והלוים על הערמות׃

י׳

ויאמר אליו עזריהו הכהן הראש לבית צדוק ויאמר מהחל התרומה לביא בית יהוה אכול ושבוע והותר עד לרוב כי יהוה ברך את עמו והנותר את ההמון הזה׃