TRV
2 דִּבְרֵי הַיָּמִים ג׳:א׳-ז׳
א׳
¶ ויחל שלמה לבנות את בית יהוה בירושלם בהר המוריה אשר נראה לדויד אביהו אשר הכין במקום דויד בגרן ארנן היבוסי׃
ב׳
ויחל לבנות בחדש השני בשני בשנת ארבע למלכותו׃
ג׳
ואלה הוסד שלמה לבנות את בית האלהים הארך אמות במדה הראשונה אמות ששים ורחב אמות עשרים׃
ד׳
והאולם אשר על פני הארך על פני רחב הבית אמות עשרים והגבה מאה ועשרים ויצפהו מפנימה זהב טהור׃
ה׳
ואת הבית הגדול חפה עץ ברושים ויחפהו זהב טוב ויעל עליו תמרים ושרשרות׃
ו׳
ויצף את הבית אבן יקרה לתפארת והזהב זהב פרוים׃
ז׳
ויחף את הבית הקרות הספים וקירותיו ודלתותיו זהב ופתח כרובים על הקירות׃
Settings