TRV
2 דִּבְרֵי הַיָּמִים י״ד:ב׳-ז׳
ב׳
ויעש אסא הטוב והישר בעיני יהוה אלהיו׃
ג׳
ויסר את מזבחות הנכר והבמות וישבר את המצבות ויגדע את האשרים׃
ד׳
ויאמר ליהודה לדרוש את יהוה אלהי אבותיהם ולעשות התורה והמצוה׃
ה׳
ויסר מכל ערי יהודה את הבמות ואת החמנים ותשקט הממלכה לפניו׃
ו׳
ויבן ערי מצורה ביהודה כי שקטה הארץ ואין עמו מלחמה בשנים האלה כי הניח יהוה לו׃
ז׳
ויאמר ליהודה נבנה את הערים האלה ונסב חומה ומגדלים דלתים ובריחים עודנו הארץ לפנינו כי דרשנו את יהוה אלהינו דרשנו וינח לנו מסביב ויבנו ויצליחו׃
Settings