הניצחון ומנוסת הפלשתים

1 שְׁמוּאֵל י״ז:מ״ח-נ״ד

מ״ח

והיה כי קם הפלשתי וילך ויקרב לקראת דוד וימהר דוד וירץ המערכה לקראת הפלשתי׃

מ״ט

וישלח דוד את ידו אל הכלי ויקח משם אבן ויקלע ויך את הפלשתי אל מצחו ותטבע האבן במצחו ויפל על פניו ארצה׃

נ׳

ויחזק דוד מן הפלשתי בקלע ובאבן ויך את הפלשתי וימיתהו וחרב אין ביד דוד׃

נ״א

וירץ דוד ויעמד אל הפלשתי ויקח את חרבו וישלפה מתערה וימתתהו ויכרת בה את ראשו ויראו הפלשתים כי מת גבורם וינסו׃

נ״ב

ויקמו אנשי ישראל ויהודה וירעו וירדפו את הפלשתים עד בואך גיא ועד שערי עקרון ויפלו חללי פלשתים בדרך שערים ועד גת ועד עקרון׃

נ״ג

וישבו בני ישראל מדלק אחרי פלשתים וישסו את מחניהם׃

נ״ד

ויקח דוד את ראש הפלשתי ויבאהו ירושלם ואת כליו שם באהלו׃