1 שְׁמוּאֵל י׳:א׳-ח׳

שאול נמשח למלך בסתר

1 שְׁמוּאֵל י׳:א׳-ח׳
א׳
ויקח שמואל את פך השמן ויצק על ראשו וישקהו ויאמר הלוא כי משחך יהוה על נחלתו לנגיד׃
ב׳
בלכתך היום מעמדי ומצאת שני אנשים עם קברת רחל בגבול בנימן בצלצח ואמרו אליך נמצאו האתנות אשר הלכת לבקש והנה נטש אביך את דברי האתנות ודאג לכם לאמר מה אעשה לבני׃
ג׳
וחלפת משם והלאה ובאת עד אלון תבור ומצאוך שם שלשה אנשים עלים אל האלהים בית אל אחד נשא שלשה גדיים ואחד נשא שלשת ככרות לחם ואחד נשא נבל יין׃
ד׳
ושאלו לך לשלום ונתנו לך שתי לחם ולקחת מידם׃
ה׳
אחר כן תבוא גבעת האלהים אשר שם נצבי פלשתים ויהי כבאך שם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃
ו׳
וצלחה עליך רוח יהוה והתנבית עמם ונהפכת לאיש אחר׃
ז׳
והיה כי תבאינה האתות האלה לך עשה לך אשר תמצא ידך כי האלהים עמך׃
ח׳
וירדת לפני הגלגל והנה אנכי ירד אליך להעלות עלות לזבח זבחי שלמים שבעת ימים תוחל עד בואי אליך והודעתי לך את אשר תעשה׃
קרא פרק מלא י׳
Settings

Reading Style

Typeface

Font Size 19px

Reading Width 45 chars

Options