מְנַהֲלֵי רְכוּשׁ הַמֶּלֶךְ

1 דִּבְרֵי הַיָּמִים כ״ז:כ״ה-ל״א

כ״ה

ועל אצרות המלך עזמות בן עדיאל ועל האצרות בשדה בערים ובכפרים ובמגדלות יהונתן בן עזיהו׃

כ״ו

ועל עשי מלאכת השדה לעבדת האדמה עזרי בן כלוב׃

כ״ז

ועל הכרמים שמעי הרמתי ועל שבכרמים לאצרות היין זבדי השפמי׃

כ״ח

ועל הזיתים והשקמים אשר בשפלה בעל חנן הגדרי ועל אצרות השמן יועש׃

כ״ט

ועל הבקר הרעים בשרון שטרי השרוני ועל הבקר בעמקים שפט בן עדלי׃

ל׳

ועל הגמלים אוביל הישמעלי ועל האתנות יחדיהו המרנתי׃

ל״א

ועל הצאן יזיז ההגרי כל אלה שרי הרכוש אשר למלך דויד׃