Zabura 74:4-11

Maƙiya sun ƙazantar da wuri mai tsarki

Zabura 74:4-11
4
Maƙiyanka sun yi ruri a inda ka sadu da mu; suka kakkafa tutotinsu a matsayin alamu.
5
Sun yi kamar mutane masu wāshin gatura don yanka itatuwa a kurmi.
6
Sun ragargaje dukan sassaƙar katako da gatura da kuma gudumarsu.
7
Suka ƙone wurinka mai tsarki ƙurmus; suka ƙazantar da mazaunin Sunanka.
8
Suna cewa a zukatansu, “Za mu murƙushe su sarai!” Suka ƙone ko’ina aka yi wa Allah sujada a ƙasar.
9
Ba a ba mu wata alama mai banmamaki ba; ba sauran annabawan da suka ragu, kuma babu waninmu da ya sani har yaushe wannan zai ci gaba.
10
Har yaushe abokan gāba za su yi mana ba’a, ya Allah? Maƙiya za su ci gaba da ɓata sunanka har abada ne?
11
Me ya sa ka janye hannunka, hannunka na dama? Ka fid da shi daga rigarka ka hallaka su!
Karanta Dukan Babi 74
Settings

Reading Style

Typeface

Font Size 19px

Reading Width 45 chars

Options