Nauyin zunubi da rashin lafiya
1
Zabura ta Dawuda. Roƙo ne. Ya Ubangiji, kada ka tsawata mini cikin fushinka ko ka hore ni cikin hasalarka.
2
Gama kibiyoyinka sun soke ni, hannunka kuma ya fāɗo a kaina.
3
Saboda hasalarka babu lafiya a jikina; ƙasusuwana ba lafiya saboda zunubina.
4
Laifofina sun mamaye ni kamar nauyin da ya sha ƙarfin ɗauka.
5
Miyakuna sun ruɓe suna kuma wari saboda wawancina na zunubi.
6
An tanƙware ni aka kuma ƙasƙantar da ni; dukan yini ina ta kuka.
7
Bayana yana fama da zazzaɓi; babu lafiya a jikina.
8
Na gaji sharkaf an kuma ragargaza ni; ina nishi da wahala a cikin zuciyata.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.