Karin Magana 23:1-8
1
Sa’ad da ka zauna domin cin abinci da mai mulki, ka lura sosai da abin da yake gabanka,
2
ka kuma sa wuƙa a maƙogwaronka in kai mai ci da yawa ne.
3
Kada ka yi marmarin abincinsa mai daɗi gama wannan abinci ruɗu ne.
4
Kada ka gajiyar da kanka don ka yi arziki; ka kasance da hikimar dainawa.
5
Da ƙyiftawar ido a kan wadata ta ɓace, gama tabbatacce sukan yi fikafikai sukan tashi sama kamar gaggafa.
6
Kada ka ci abincin mai rowa, kada ka yi marmarin abincinsa mai daɗi;
7
gama shi wani irin mutum ne wanda kullum yana tunani game da tsadar abincin. Zai ce maka, “Ci ka sha,” amma zuciyarsa ba ta tare da kai.
8
Za ka yi amai ɗan abin da ka ci dukan daɗin bakinka kuwa zai tafi a banza.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.