Yohanna 4:29-35
29
“Ku zo, ku ga mutumin da ya gaya mini duk abin da na taɓa yi. Shin, ko shi ne Kiristi?”
30
Sai suka fita daga garin suka nufa inda yake.
31
Ana cikin haka, sai almajiransa suka roƙe shi suka ce, “Rabbi, ci abinci mana.”
32
Amma ya ce musu, “Ina da abincin da ba ku san kome a kai ba.”
33
Sai almajiran suka ce wa juna, “Shin, ko wani ya kawo masa abinci ne?”
34
Yesu ya ce, “Abincina shi ne, in aikata nufin wannan da ya aiko ni, in kuma gama aikinsa.
35
Ba kukan ce, ‘Sauran wata huɗu a yi girbi ba?’ Ina gaya muku, ku ɗaga idanu ku dubi gonaki! Sun isa girbi.
Settings