Maimaitawar Shari’a 11:26-32

Zaɓin da aka Sa a Gaban Isra’ila

Maimaitawar Shari’a 11:26-32
26
Ga shi, a yau, ina sa a gabanku albarka da kuma la’ana,
27
albarka in kun yi biyayya da umarnan Ubangiji Allahnku, da nake ba ku;
28
la’ana in ba ku yi biyayya da umarnan Ubangiji Allahnku, kuka kuma juya daga hanyar da na umarce ku, ta wurin bin waɗansu alloli, waɗanda ba ku sani ba.
29
Sa’ad da Ubangiji Allahnku ya kawo ku cikin ƙasar da za ku shiga ku ci gādonta, sai ku yi shelar albarkun nan a dutsen Gerizim, ku kuma yi na la’ana a dutsen Ebal.
30
Waɗannan duwatsu biyu suna a hayin Urdun, yamma da hanya a ƙasar Kan’aniyawa mazaunan Araba, kusa da Gilgal wajajen manyan itatuwan More.
31
Kuna gab da ƙetare Urdun fa, ku shiga, ku kuma mallaki ƙasar da Ubangiji Allahnku yake ba ku. Sa’ad da kuka karɓe ta, kuka kuma zauna a can,
32
ku tabbata kun yi biyayya da dukan ƙa’idodi, da kuma dokokin da nake sawa a gabanku a yau.
Karanta Dukan Babi 11
Settings

Reading Style

Typeface

Font Size 19px

Reading Width 45 chars

Options