פסוקים על The Macedonian Empire: The little horn to arise out of one of its divisions

וצפיר העזים הגדיל עד מאד וכעצמו נשברה הקרן הגדולה ותעלנה חזות ארבע תחתיה לארבע רוחות השמים׃

ומן האחת מהם יצא קרן אחת מצעירה ותגדל יתר אל הנגב ואל המזרח ואל הצבי׃

ותגדל עד צבא השמים ותפל ארצה מן הצבא ומן הכוכבים ותרמסם׃

ועד שר הצבא הגדיל וממנו הרים התמיד והשלך מכון מקדשו׃

וצבא תנתן על התמיד בפשע ותשלך אמת ארצה ועשתה והצליחה׃

ובאחרית מלכותם כהתם הפשעים יעמד מלך עז פנים ומבין חידות׃

ועצם כחו ולא בכחו ונפלאות ישחית והצליח ועשה והשחית עצומים ועם קדשים׃

ועל שכלו והצליח מרמה בידו ובלבבו יגדיל ובשלוה ישחית רבים ועל שר שרים יעמד ובאפס יד ישבר׃