פסוקים על The Feast of the Passover: The first sheaf of barley harvest offered the day after the Sabbath in

דבר אל בני ישראל ואמרת אלהם כי תבאו אל הארץ אשר אני נתן לכם וקצרתם את קצירה והבאתם את עמר ראשית קצירכם אל הכהן׃

והניף את העמר לפני יהוה לרצנכם ממחרת השבת יניפנו הכהן׃

ועשיתם ביום הניפכם את העמר כבש תמים בן שנתו לעלה ליהוה׃

ומנחתו שני עשרנים סלת בלולה בשמן אשה ליהוה ריח ניחח ונסכה יין רביעת ההין׃

ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משבתיכם׃