פסוקים על Parents: Joseph

8 פסוקים · 48 היבטים

פסוקים על Joseph

בְּרֵאשִׁית מ״ח:י״ג
ויקח יוסף את שניהם את אפרים בימינו משמאל ישראל ואת מנשה בשמאלו מימין ישראל ויגש אליו׃
בְּרֵאשִׁית מ״ח:י״ד
וישלח ישראל את ימינו וישת על ראש אפרים והוא הצעיר ואת שמאלו על ראש מנשה שכל את ידיו כי מנשה הבכור׃
בְּרֵאשִׁית מ״ח:ט״ו
ויברך את יוסף ויאמר האלהים אשר התהלכו אבתי לפניו אברהם ויצחק האלהים הרעה אתי מעודי עד היום הזה׃
בְּרֵאשִׁית מ״ח:ט״ז
המלאך הגאל אתי מכל רע יברך את הנערים ויקרא בהם שמי ושם אבתי אברהם ויצחק וידגו לרב בקרב הארץ׃
בְּרֵאשִׁית מ״ח:י״ז
וירא יוסף כי ישית אביו יד ימינו על ראש אפרים וירע בעיניו ויתמך יד אביו להסיר אתה מעל ראש אפרים על ראש מנשה׃
בְּרֵאשִׁית מ״ח:י״ח
ויאמר יוסף אל אביו לא כן אבי כי זה הבכר שים ימינך על ראשו׃
בְּרֵאשִׁית מ״ח:י״ט
וימאן אביו ויאמר ידעתי בני ידעתי גם הוא יהיה לעם וגם הוא יגדל ואולם אחיו הקטן יגדל ממנו וזרעו יהיה מלא הגוים׃
בְּרֵאשִׁית מ״ח:כ׳
ויברכם ביום ההוא לאמור בך יברך ישראל לאמר ישמך אלהים כאפרים וכמנשה וישם את אפרים לפני מנשה׃