פסוקים על Noph

13 פסוקים · 2 היבטים

פסוקי מפתח

יְשַׁעְיָהוּ י״ט:י״ג
נואלו שרי צען נשאו שרי נף התעו את מצרים פנת שבטיה׃
יִרְמְיָהוּ ב׳:ט״ז
גם בני נף ותחפנס ירעוך קדקד׃
יִרְמְיָהוּ מ״ו:י״ג
הדבר אשר דבר יהוה אל ירמיהו הנביא לבוא נבוכדראצר מלך בבל להכות את ארץ מצרים׃
יִרְמְיָהוּ מ״ו:י״ד
הגידו במצרים והשמיעו במגדול והשמיעו בנף ובתחפנחס אמרו התיצב והכן לך כי אכלה חרב סביביך׃
יִרְמְיָהוּ מ״ו:ט״ו
מדוע נסחף אביריך לא עמד כי יהוה הדפו׃
יִרְמְיָהוּ מ״ו:ט״ז
הרבה כושל גם נפל איש אל רעהו ויאמרו קומה ונשבה אל עמנו ואל ארץ מולדתנו מפני חרב היונה׃
יִרְמְיָהוּ מ״ו:י״ז
קראו שם פרעה מלך מצרים שאון העביר המועד׃
יִרְמְיָהוּ מ״ו:י״ח
חי אני נאם המלך יהוה צבאות שמו כי כתבור בהרים וככרמל בים יבוא׃
יִרְמְיָהוּ מ״ו:י״ט
כלי גולה עשי לך יושבת בת מצרים כי נף לשמה תהיה ונצתה מאין יושב׃
יְחֶזְקֵאל ל׳:י״ג
כה אמר אדני יהוה והאבדתי גלולים והשבתי אלילים מנף ונשיא מארץ מצרים לא יהיה עוד ונתתי יראה בארץ מצרים׃
יְחֶזְקֵאל ל׳:י״ד
והשמתי את פתרוס ונתתי אש בצען ועשיתי שפטים בנא׃
יְחֶזְקֵאל ל׳:ט״ו
ושפכתי חמתי על סין מעוז מצרים והכרתי את המון נא׃
יְחֶזְקֵאל ל׳:ט״ז
ונתתי אש במצרים חול תחיל סין ונא תהיה להבקע ונף צרי יומם׃