פסוקים על Miter

10 פסוקים

פסוקי מפתח

  1. שְׁמֹות כ״ח:ד׳

    ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃

  2. שְׁמֹות כ״ח:ל״ו

    ועשית ציץ זהב טהור ופתחת עליו פתוחי חתם קדש ליהוה׃

  3. שְׁמֹות כ״ח:ל״ז

    ושמת אתו על פתיל תכלת והיה על המצנפת אל מול פני המצנפת יהיה׃

  4. שְׁמֹות כ״ח:ל״ח

    והיה על מצח אהרן ונשא אהרן את עון הקדשים אשר יקדישו בני ישראל לכל מתנת קדשיהם והיה על מצחו תמיד לרצון להם לפני יהוה׃

  5. שְׁמֹות כ״ח:ל״ט

    ושבצת הכתנת שש ועשית מצנפת שש ואבנט תעשה מעשה רקם׃

  6. שְׁמֹות ל״ט:כ״ח

    ואת המצנפת שש ואת פארי המגבעת שש ואת מכנסי הבד שש משזר׃

  7. שְׁמֹות ל״ט:כ״ט

    ואת האבנט שש משזר ותכלת וארגמן ותולעת שני מעשה רקם כאשר צוה יהוה את משה׃

  8. שְׁמֹות ל״ט:ל׳

    ויעשו את ציץ נזר הקדש זהב טהור ויכתבו עליו מכתב פתוחי חותם קדש ליהוה׃

  9. שְׁמֹות ל״ט:ל״א

    ויתנו עליו פתיל תכלת לתת על המצנפת מלמעלה כאשר צוה יהוה את משה׃

  10. יְחֶזְקֵאל כ״א:כ״ו

    כה אמר אדני יהוה הסיר המצנפת והרים העטרה זאת לא זאת השפלה הגבה והגבה השפיל׃