פסוקים על Midianites: Seduced Israel to idolatry

¶ וישב ישראל בשטים ויחל העם לזנות אל בנות מואב׃

ותקראן לעם לזבחי אלהיהן ויאכל העם וישתחוו לאלהיהן׃

ויצמד ישראל לבעל פעור ויחר אף יהוה בישראל׃

ויאמר יהוה אל משה קח את כל ראשי העם והוקע אותם ליהוה נגד השמש וישב חרון אף יהוה מישראל׃

ויאמר משה אל שפטי ישראל הרגו איש אנשיו הנצמדים לבעל פעור׃

והנה איש מבני ישראל בא ויקרב אל אחיו את המדינית לעיני משה ולעיני כל עדת בני ישראל והמה בכים פתח אהל מועד׃