פסוקים על Korah

11 פסוקים · 4 היבטים

פסוקי מפתח

תְהִלִּים מ״ב:א׳
¶ למנצח משכיל לבני קרח כאיל תערג על אפיקי מים כן נפשי תערג אליך אלהים׃
תְהִלִּים מ״ב:ב׳
צמאה נפשי לאלהים לאל חי מתי אבוא ואראה פני אלהים׃
תְהִלִּים מ״ב:ג׳
היתה לי דמעתי לחם יומם ולילה באמר אלי כל היום איה אלהיך׃
תְהִלִּים מ״ב:ד׳
אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃
תְהִלִּים מ״ב:ה׳
מה תשתוחחי נפשי ותהמי עלי הוחילי לאלהים כי עוד אודנו ישועות פניו׃
תְהִלִּים מ״ב:ו׳
אלהי עלי נפשי תשתוחח על כן אזכרך מארץ ירדן וחרמונים מהר מצער׃
תְהִלִּים מ״ב:ז׳
תהום אל תהום קורא לקול צנוריך כל משבריך וגליך עלי עברו׃
תְהִלִּים מ״ב:ח׳
יומם יצוה יהוה חסדו ובלילה שירה עמי תפלה לאל חיי׃
תְהִלִּים מ״ב:ט׳
אומרה לאל סלעי למה שכחתני למה קדר אלך בלחץ אויב׃
תְהִלִּים מ״ב:י׳
ברצח בעצמותי חרפוני צוררי באמרם אלי כל היום איה אלהיך׃
תְהִלִּים מ״ב:י״א
מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃