פסוקים על Ithamar

21 פסוקים · 5 היבטים

פסוקי מפתח

וַיִּקְרָא י׳:ו׳
ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃
וַיִּקְרָא י׳:ז׳
ומפתח אהל מועד לא תצאו פן תמתו כי שמן משחת יהוה עליכם ויעשו כדבר משה׃
1 דִּבְרֵי הַיָּמִים כ״ד:א׳
¶ ולבני אהרן מחלקותם בני אהרן נדב ואביהוא אלעזר ואיתמר׃
1 דִּבְרֵי הַיָּמִים כ״ד:ב׳
וימת נדב ואביהוא לפני אביהם ובנים לא היו להם ויכהנו אלעזר ואיתמר׃
1 דִּבְרֵי הַיָּמִים כ״ד:ג׳
ויחלקם דויד וצדוק מן בני אלעזר ואחימלך מן בני איתמר לפקדתם בעבדתם׃
1 דִּבְרֵי הַיָּמִים כ״ד:ד׳
וימצאו בני אלעזר רבים לראשי הגברים מן בני איתמר ויחלקום לבני אלעזר ראשים לבית אבות ששה עשר ולבני איתמר לבית אבותם שמונה׃
1 דִּבְרֵי הַיָּמִים כ״ד:ה׳
ויחלקום בגורלות אלה עם אלה כי היו שרי קדש ושרי האלהים מבני אלעזר ובבני איתמר׃
1 דִּבְרֵי הַיָּמִים כ״ד:ו׳
ויכתבם שמעיה בן נתנאל הסופר מן הלוי לפני המלך והשרים וצדוק הכהן ואחימלך בן אביתר וראשי האבות לכהנים וללוים בית אב אחד אחז לאלעזר ואחז אחז לאיתמר׃
1 דִּבְרֵי הַיָּמִים כ״ד:ז׳
ויצא הגורל הראשון ליהויריב לידעיה השני׃
1 דִּבְרֵי הַיָּמִים כ״ד:ח׳
לחרם השלישי לשערים הרבעי׃
1 דִּבְרֵי הַיָּמִים כ״ד:ט׳
למלכיה החמישי למימן הששי׃
1 דִּבְרֵי הַיָּמִים כ״ד:י׳
להקוץ השבעי לאביה השמיני׃
1 דִּבְרֵי הַיָּמִים כ״ד:י״א
לישוע התשעי לשכניהו העשרי׃
1 דִּבְרֵי הַיָּמִים כ״ד:י״ב
לאלישיב עשתי עשר ליקים שנים עשר׃
1 דִּבְרֵי הַיָּמִים כ״ד:י״ג
לחפה שלשה עשר לישבאב ארבעה עשר׃
1 דִּבְרֵי הַיָּמִים כ״ד:י״ד
לבלגה חמשה עשר לאמר ששה עשר׃
1 דִּבְרֵי הַיָּמִים כ״ד:ט״ו
לחזיר שבעה עשר להפצץ שמונה עשר׃
1 דִּבְרֵי הַיָּמִים כ״ד:ט״ז
לפתחיה תשעה עשר ליחזקאל העשרים׃
1 דִּבְרֵי הַיָּמִים כ״ד:י״ז
ליכין אחד ועשרים לגמול שנים ועשרים׃
1 דִּבְרֵי הַיָּמִים כ״ד:י״ח
לדליהו שלשה ועשרים למעזיהו ארבעה ועשרים׃
1 דִּבְרֵי הַיָּמִים כ״ד:י״ט
אלה פקדתם לעבדתם לבוא לבית יהוה כמשפטם ביד אהרן אביהם כאשר צוהו יהוה אלהי ישראל׃