פסוקים על Harlot: Shamelessness of

23 פסוקים · 5 היבטים

פסוקים על Shamelessness of

מִשְׁלֵי ז׳:י״א
המיה היא וסררת בביתה לא ישכנו רגליה׃
מִשְׁלֵי ז׳:י״ב
פעם בחוץ פעם ברחבות ואצל כל פנה תארב׃
מִשְׁלֵי ז׳:י״ג
והחזיקה בו ונשקה לו העזה פניה ותאמר לו׃
מִשְׁלֵי ז׳:י״ד
זבחי שלמים עלי היום שלמתי נדרי׃
מִשְׁלֵי ז׳:ט״ו
על כן יצאתי לקראתך לשחר פניך ואמצאך׃
מִשְׁלֵי ז׳:ט״ז
מרבדים רבדתי ערשי חטבות אטון מצרים׃
מִשְׁלֵי ז׳:י״ז
נפתי משכבי מר אהלים וקנמון׃
מִשְׁלֵי ז׳:י״ח
לכה נרוה דדים עד הבקר נתעלסה באהבים׃
מִשְׁלֵי ז׳:י״ט
כי אין האיש בביתו הלך בדרך מרחוק׃
מִשְׁלֵי ז׳:כ׳
צרור הכסף לקח בידו ליום הכסא יבא ביתו׃
מִשְׁלֵי ז׳:כ״א
הטתו ברב לקחה בחלק שפתיה תדיחנו׃
מִשְׁלֵי ז׳:כ״ב
הולך אחריה פתאם כשור אל טבח יבוא וכעכס אל מוסר אויל׃
מִשְׁלֵי ז׳:כ״ג
עד יפלח חץ כבדו כמהר צפור אל פח ולא ידע כי בנפשו הוא׃
מִשְׁלֵי ז׳:כ״ד
ועתה בנים שמעו לי והקשיבו לאמרי פי׃
מִשְׁלֵי ז׳:כ״ה
אל ישט אל דרכיה לבך אל תתע בנתיבותיה׃
מִשְׁלֵי ז׳:כ״ו
כי רבים חללים הפילה ועצמים כל הרגיה׃
מִשְׁלֵי ז׳:כ״ז
דרכי שאול ביתה ירדות אל חדרי מות׃
מִשְׁלֵי ט׳:י״ג
אשת כסילות המיה פתיות ובל ידעה מה׃
מִשְׁלֵי ט׳:י״ד
וישבה לפתח ביתה על כסא מרמי קרת׃
מִשְׁלֵי ט׳:ט״ו
לקרא לעברי דרך המישרים ארחותם׃
מִשְׁלֵי ט׳:ט״ז
מי פתי יסר הנה וחסר לב ואמרה לו׃
מִשְׁלֵי ט׳:י״ז
מים גנובים ימתקו ולחם סתרים ינעם׃
מִשְׁלֵי ט׳:י״ח
ולא ידע כי רפאים שם בעמקי שאול קראיה׃