פסוקים על Girdle

13 פסוקים · 7 היבטים

פסוקי מפתח

שְׁמֹות כ״ח:כ״ז
ועשית שתי טבעות זהב ונתתה אתם על שתי כתפות האפוד מלמטה ממול פניו לעמת מחברתו ממעל לחשב האפוד׃
שְׁמֹות כ״ח:כ״ח
וירכסו את החשן מטבעתו אל טבעת האפד בפתיל תכלת להיות על חשב האפוד ולא יזח החשן מעל האפוד׃
יִרְמְיָהוּ י״ג:א׳
¶ כה אמר יהוה אלי הלוך וקנית לך אזור פשתים ושמתו על מתניך ובמים לא תבאהו׃
יִרְמְיָהוּ י״ג:ב׳
ואקנה את האזור כדבר יהוה ואשם על מתני׃
יִרְמְיָהוּ י״ג:ג׳
ויהי דבר יהוה אלי שנית לאמר׃
יִרְמְיָהוּ י״ג:ד׳
קח את האזור אשר קנית אשר על מתניך וקום לך פרתה וטמנהו שם בנקיק הסלע׃
יִרְמְיָהוּ י״ג:ה׳
ואלך ואטמנהו בפרת כאשר צוה יהוה אותי׃
יִרְמְיָהוּ י״ג:ו׳
ויהי מקץ ימים רבים ויאמר יהוה אלי קום לך פרתה וקח משם את האזור אשר צויתיך לטמנו שם׃
יִרְמְיָהוּ י״ג:ז׳
ואלך פרתה ואחפר ואקח את האזור מן המקום אשר טמנתיו שמה והנה נשחת האזור לא יצלח לכל׃
יִרְמְיָהוּ י״ג:ח׳
ויהי דבר יהוה אלי לאמר׃
יִרְמְיָהוּ י״ג:ט׳
כה אמר יהוה ככה אשחית את גאון יהודה ואת גאון ירושלם הרב׃
יִרְמְיָהוּ י״ג:י׳
העם הזה הרע המאנים לשמוע את דברי ההלכים בשררות לבם וילכו אחרי אלהים אחרים לעבדם ולהשתחות להם ויהי כאזור הזה אשר לא יצלח לכל׃
יִרְמְיָהוּ י״ג:י״א
כי כאשר ידבק האזור אל מתני איש כן הדבקתי אלי את כל בית ישראל ואת כל בית יהודה נאם יהוה להיות לי לעם ולשם ולתהלה ולתפארת ולא שמעו׃