פסוקים על Employer: General references

לא תעשק שכיר עני ואביון מאחיך או מגרך אשר בארצך בשעריך׃

ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

אם אמאס משפט עבדי ואמתי ברבם עמדי׃

ומה אעשה כי יקום אל וכי יפקד מה אשיבנו׃

הלא בבטן עשני עשהו ויכננו ברחם אחד׃

¶ כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

והתנה עם הפעלים שכר דינר ליום וישלחם אל כרמו׃

ויצא בשעה השלישית וירא אחרים עמדים בטלים בשוק׃

ויאמר להם לכו גם אתם אל כרמי וכישר אתן לכם וילכו׃

ויצא גם בשעה הששית גם בתשיעית ויעש כדבר הזה׃

ויצא בשעת עשתי עשרה וימצא אחרים עמדים ויאמר אליהם למה אתם עמדים פה בטלים כל היום׃

ויאמרו לו כי לא שכר אותנו איש ויאמר אליהם לכו גם אתם אל הכרם וכישר יתן לכם׃

ויהי בערב ויאמר בעל הכרם אל פקידו קרא את הפעלים ושלם להם את שכרם החל באחרונים וכלה בראשונים׃

ויבאו הנשכרים בשעת אחת עשרה ויקחו איש איש דינר אחד׃

ובבא הראשונים דמו בנפשם כי יקחו יותר ויקחו גם הם איש איש דינר אחד׃

ויהי בקחתם וילונו על בעל הבית לאמר׃

אלה האחרונים לא עשו כי אם שעה אחת ואתה השויתם אלינו אשר סבלנו את כבד היום ואת חמו׃

ויען ויאמר אל אחד מהם רעי לא עשקתיך הלא שכר דינר התנית עמי׃

קח את שלך ולך ואני רצוני לתת גם לזה האחרון כמו לך׃

הלא אוכל לעשות בשלי כרצוני האם תרע עינך על אשר טוב אנכי׃

כי אולי נפרד ממך לשעה בעבור אשר יהיה לך לעולם׃

ומעתה לא כעבד כי אם למעלה מעבד כאח אהוב שכן הוא לי ביותר ואף כי לך הן בבשר הן באדון׃

הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃

התעדנתם בארץ והתענגתם והשמנתם את לבכם כמו ליום טבחה׃