פסוקים על Drink Offering

11 פסוקים · 13 היבטים

פסוקי מפתח

  1. בְּמִדְבַּר ט״ו:ג׳

    ועשיתם אשה ליהוה עלה או זבח לפלא נדר או בנדבה או במעדיכם לעשות ריח ניחח ליהוה מן הבקר או מן הצאן׃

  2. בְּמִדְבַּר ט״ו:ד׳

    והקריב המקריב קרבנו ליהוה מנחה סלת עשרון בלול ברבעית ההין שמן׃

  3. בְּמִדְבַּר ט״ו:ה׳

    ויין לנסך רביעית ההין תעשה על העלה או לזבח לכבש האחד׃

  4. בְּמִדְבַּר ט״ו:ו׳

    או לאיל תעשה מנחה סלת שני עשרנים בלולה בשמן שלשית ההין׃

  5. בְּמִדְבַּר ט״ו:ז׳

    ויין לנסך שלשית ההין תקריב ריח ניחח ליהוה׃

  6. בְּמִדְבַּר ט״ו:ח׳

    וכי תעשה בן בקר עלה או זבח לפלא נדר או שלמים ליהוה׃

  7. בְּמִדְבַּר ט״ו:ט׳

    והקריב על בן הבקר מנחה סלת שלשה עשרנים בלול בשמן חצי ההין׃

  8. בְּמִדְבַּר ט״ו:י׳

    ויין תקריב לנסך חצי ההין אשה ריח ניחח ליהוה׃

  9. יִרְמְיָהוּ מ״ד:י״ז

    כי עשה נעשה את כל הדבר אשר יצא מפינו לקטר למלכת השמים והסיך לה נסכים כאשר עשינו אנחנו ואבתינו מלכינו ושרינו בערי יהודה ובחצות ירושלם ונשבע לחם ונהיה טובים ורעה לא ראינו׃

  10. יִרְמְיָהוּ מ״ד:י״ח

    ומן אז חדלנו לקטר למלכת השמים והסך לה נסכים חסרנו כל ובחרב וברעב תמנו׃

  11. יִרְמְיָהוּ מ״ד:י״ט

    וכי אנחנו מקטרים למלכת השמים ולהסך לה נסכים המבלעדי אנשינו עשינו לה כונים להעצבה והסך לה נסכים׃