פסוקים על Dothan

7 פסוקים · 2 היבטים

פסוקי מפתח

  1. 2 מְלָכִים ו׳:י״ג

    ויאמר לכו וראו איכה הוא ואשלח ואקחהו ויגד לו לאמר הנה בדתן׃

  2. 2 מְלָכִים ו׳:י״ד

    וישלח שמה סוסים ורכב וחיל כבד ויבאו לילה ויקפו על העיר׃

  3. 2 מְלָכִים ו׳:ט״ו

    וישכם משרת איש האלהים לקום ויצא והנה חיל סובב את העיר וסוס ורכב ויאמר נערו אליו אהה אדני איכה נעשה׃

  4. 2 מְלָכִים ו׳:ט״ז

    ויאמר אל תירא כי רבים אשר אתנו מאשר אותם׃

  5. 2 מְלָכִים ו׳:י״ז

    ויתפלל אלישע ויאמר יהוה פקח נא את עיניו ויראה ויפקח יהוה את עיני הנער וירא והנה ההר מלא סוסים ורכב אש סביבת אלישע׃

  6. 2 מְלָכִים ו׳:י״ח

    וירדו אליו ויתפלל אלישע אל יהוה ויאמר הך נא את הגוי הזה בסנורים ויכם בסנורים כדבר אלישע׃

  7. 2 מְלָכִים ו׳:י״ט

    ויאמר אלהם אלישע לא זה הדרך ולא זה העיר לכו אחרי ואוליכה אתכם אל האיש אשר תבקשון וילך אותם שמרונה׃