פסוקים על Continents: General references

ויאמר אלהים יקוו המים מתחת השמים אל מקום אחד ותראה היבשה ויהי כן׃

ויקרא אלהים ליבשה ארץ ולמקוה המים קרא ימים וירא אלהים כי טוב׃

לא הדריכהו בני שחץ לא עדה עליו שחל׃

בחלמיש שלח ידו הפך משרש הרים׃

בצורות יארים בקע וכל יקר ראתה עינו׃

מבכי נהרות חבש ותעלמה יצא אור׃

איפה היית ביסדי ארץ הגד אם ידעת בינה׃

מי שם ממדיה כי תדע או מי נטה עליה קו׃

על מה אדניה הטבעו או מי ירה אבן פנתה׃

ברן יחד כוכבי בקר ויריעו כל בני אלהים׃

ויסך בדלתים ים בגיחו מרחם יצא׃

בשומי ענן לבשו וערפל חתלתו׃

ואשבר עליו חקי ואשים בריח ודלתים׃

ואמר עד פה תבוא ולא תסיף ופא ישית בגאון גליך׃

המימיך צוית בקר ידעתה שחר מקמו׃

לאחז בכנפות הארץ וינערו רשעים ממנה׃

תתהפך כחמר חותם ויתיצבו כמו לבוש׃

וימנע מרשעים אורם וזרוע רמה תשבר׃

הבאת עד נבכי ים ובחקר תהום התהלכת׃

הנגלו לך שערי מות ושערי צלמות תראה׃

התבננת עד רחבי ארץ הגד אם ידעת כלה׃

יסד ארץ על מכוניה בל תמוט עולם ועד׃

תהום כלבוש כסיתו על הרים יעמדו מים׃

מן גערתך ינוסון מן קול רעמך יחפזון׃

יעלו הרים ירדו בקעות אל מקום זה יסדת להם׃