פסוקים על Cities of Refuge

ואם בכלי ברזל הכהו וימת רצח הוא מות יומת הרצח׃

ואם באבן יד אשר ימות בה הכהו וימת רצח הוא מות יומת הרצח׃

או בכלי עץ יד אשר ימות בו הכהו וימת רצח הוא מות יומת הרצח׃

גאל הדם הוא ימית את הרצח בפגעו בו הוא ימיתנו׃

ואם בשנאה יהדפנו או השליך עליו בצדיה וימת׃

או באיבה הכהו בידו וימת מות יומת המכה רצח הוא גאל הדם ימית את הרצח בפגעו בו׃

אז יבדיל משה שלש ערים בעבר הירדן מזרחה שמש׃

לנס שמה רוצח אשר ירצח את רעהו בבלי דעת והוא לא שנא לו מתמול שלשום ונס אל אחת מן הערים האל וחי׃

את בצר במדבר בארץ המישר לראובני ואת ראמת בגלעד לגדי ואת גולן בבשן למנשי׃