פסוקים על Bribery: General references

שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק׃

לא תטה משפט לא תכיר פנים ולא תקח שחד כי השחד יעור עיני חכמים ויסלף דברי צדיקם׃

אל תאסף עם חטאים נפשי ועם אנשי דמים חיי׃

אשר בידיהם זמה וימינם מלאה שחד׃

הוי גבורים לשתות יין ואנשי חיל למסך שכר׃

מצדיקי רשע עקב שחד וצדקת צדיקים יסירו ממנו׃

הלך צדקות ודבר מישרים מאס בבצע מעשקות נער כפיו מתמך בשחד אטם אזנו משמע דמים ועצם עיניו מראות ברע׃

הוא מרומים ישכן מצדות סלעים משגבו לחמו נתן מימיו נאמנים׃

שחד לקחו בך למען שפך דם נשך ותרבית לקחת ותבצעי רעיך בעשק ואתי שכחת נאם אדני יהוה׃

והנה הכיתי כפי אל בצעך אשר עשית ועל דמך אשר היו בתוכך׃