פסוקים על Ben-Hadad

17 פסוקים · 3 היבטים

פסוקי מפתח

1 מְלָכִים ט״ו:י״ח
ויקח אסא את כל הכסף והזהב הנותרים באוצרות בית יהוה ואת אוצרות בית מלך ויתנם ביד עבדיו וישלחם המלך אסא אל בן הדד בן טברמן בן חזיון מלך ארם הישב בדמשק לאמר׃
1 מְלָכִים ט״ו:י״ט
ברית ביני ובינך בין אבי ובין אביך הנה שלחתי לך שחד כסף וזהב לך הפרה את בריתך את בעשא מלך ישראל ויעלה מעלי׃
1 מְלָכִים ט״ו:כ׳
וישמע בן הדד אל המלך אסא וישלח את שרי החילים אשר לו על ערי ישראל ויך את עיון ואת דן ואת אבל בית מעכה ואת כל כנרות על כל ארץ נפתלי׃
2 מְלָכִים ח׳:ז׳
ויבא אלישע דמשק ובן הדד מלך ארם חלה ויגד לו לאמר בא איש האלהים עד הנה׃
2 מְלָכִים ח׳:ח׳
ויאמר המלך אל חזהאל קח בידך מנחה ולך לקראת איש האלהים ודרשת את יהוה מאותו לאמר האחיה מחלי זה׃
2 מְלָכִים ח׳:ט׳
וילך חזאל לקראתו ויקח מנחה בידו וכל טוב דמשק משא ארבעים גמל ויבא ויעמד לפניו ויאמר בנך בן הדד מלך ארם שלחני אליך לאמר האחיה מחלי זה׃
2 מְלָכִים ח׳:י׳
ויאמר אליו אלישע לך אמר לא חיה תחיה והראני יהוה כי מות ימות׃
2 מְלָכִים ח׳:י״א
ויעמד את פניו וישם עד בש ויבך איש האלהים׃
2 מְלָכִים ח׳:י״ב
ויאמר חזאל מדוע אדני בכה ויאמר כי ידעתי את אשר תעשה לבני ישראל רעה מבצריהם תשלח באש ובחריהם בחרב תהרג ועלליהם תרטש והרתיהם תבקע׃
2 מְלָכִים ח׳:י״ג
ויאמר חזהאל כי מה עבדך הכלב כי יעשה הדבר הגדול הזה ויאמר אלישע הראני יהוה אתך מלך על ארם׃
2 מְלָכִים ח׳:י״ד
וילך מאת אלישע ויבא אל אדניו ויאמר לו מה אמר לך אלישע ויאמר אמר לי חיה תחיה׃
2 מְלָכִים ח׳:ט״ו
ויהי ממחרת ויקח המכבר ויטבל במים ויפרש על פניו וימת וימלך חזהאל תחתיו׃
2 מְלָכִים י״ג:כ״ד
וימת חזאל מלך ארם וימלך בן הדד בנו תחתיו׃
2 מְלָכִים י״ג:כ״ה
וישב יהואש בן יהואחז ויקח את הערים מיד בן הדד בן חזאל אשר לקח מיד יהואחז אביו במלחמה שלש פעמים הכהו יואש וישב את ערי ישראל׃
2 דִּבְרֵי הַיָּמִים ט״ז:ב׳
ויצא אסא כסף וזהב מאצרות בית יהוה ובית המלך וישלח אל בן הדד מלך ארם היושב בדרמשק לאמר׃
2 דִּבְרֵי הַיָּמִים ט״ז:ג׳
ברית ביני ובינך ובין אבי ובין אביך הנה שלחתי לך כסף וזהב לך הפר בריתך את בעשא מלך ישראל ויעלה מעלי׃
2 דִּבְרֵי הַיָּמִים ט״ז:ד׳
וישמע בן הדד אל המלך אסא וישלח את שרי החילים אשר לו אל ערי ישראל ויכו את עיון ואת דן ואת אבל מים ואת כל מסכנות ערי נפתלי׃