פסוקים על Balaam: A prophet

וישא בלעם את עיניו וירא את ישראל שכן לשבטיו ותהי עליו רוח אלהים׃

וישא משלו ויאמר נאם בלעם בנו בער ונאם הגבר שתם העין׃

נאם שמע אמרי אל אשר מחזה שדי יחזה נפל וגלוי עינים׃

מה טבו אהליך יעקב משכנתיך ישראל׃

כנחלים נטיו כגנת עלי נהר כאהלים נטע יהוה כארזים עלי מים׃

יזל מים מדליו וזרעו במים רבים וירם מאגג מלכו ותנשא מלכתו׃

אל מוציאו ממצרים כתועפת ראם לו יאכל גוים צריו ועצמתיהם יגרם וחציו ימחץ׃

כרע שכב כארי וכלביא מי יקימנו מברכיך ברוך וארריך ארור׃

את הדרך הישר עזבו ויתעו וילכו בדרך בלעם בן בעור אשר אהב שכר העולה׃

ותהי לו תוכחת על חטאתו כי הבהמה האלמת דברה בקול אדם ותעצר באולת הקסם׃