עברית

פסוקים על Azariah: 17. Son of Hoshaiah

6 פסוקים · 16 היבטים

חיפוש "Azariah"

פסוקים על 17. Son of Hoshaiah

  1. יִרְמְיָהוּ מ״ג:ב׳

    ויאמר עזריה בן הושעיה ויוחנן בן קרח וכל האנשים הזדים אמרים אל ירמיהו שקר אתה מדבר לא שלחך יהוה אלהינו לאמר לא תבאו מצרים לגור שם׃

  2. יִרְמְיָהוּ מ״ג:ג׳

    כי ברוך בן נריה מסית אתך בנו למען תת אתנו ביד הכשדים להמית אתנו ולהגלות אתנו בבל׃

  3. יִרְמְיָהוּ מ״ג:ד׳

    ולא שמע יוחנן בן קרח וכל שרי החילים וכל העם בקול יהוה לשבת בארץ יהודה׃

  4. יִרְמְיָהוּ מ״ג:ה׳

    ויקח יוחנן בן קרח וכל שרי החילים את כל שארית יהודה אשר שבו מכל הגוים אשר נדחו שם לגור בארץ יהודה׃

  5. יִרְמְיָהוּ מ״ג:ו׳

    את הגברים ואת הנשים ואת הטף ואת בנות המלך ואת כל הנפש אשר הניח נבוזראדן רב טבחים את גדליהו בן אחיקם בן שפן ואת ירמיהו הנביא ואת ברוך בן נריהו׃

  6. יִרְמְיָהוּ מ״ג:ז׳

    ויבאו ארץ מצרים כי לא שמעו בקול יהוה ויבאו עד תחפנחס׃