פסוקים על Assault and Battery

15 פסוקים · 1 היבט

פסוקי מפתח

  1. שְׁמֹות כ״א:י״ח

    וכי יריבן אנשים והכה איש את רעהו באבן או באגרף ולא ימות ונפל למשכב׃

  2. שְׁמֹות כ״א:י״ט

    אם יקום והתהלך בחוץ על משענתו ונקה המכה רק שבתו יתן ורפא ירפא׃

  3. שְׁמֹות כ״א:כ״ב

    וכי ינצו אנשים ונגפו אשה הרה ויצאו ילדיה ולא יהיה אסון ענוש יענש כאשר ישית עליו בעל האשה ונתן בפללים׃

  4. שְׁמֹות כ״א:כ״ג

    ואם אסון יהיה ונתתה נפש תחת נפש׃

  5. שְׁמֹות כ״א:כ״ד

    עין תחת עין שן תחת שן יד תחת יד רגל תחת רגל׃

  6. שְׁמֹות כ״א:כ״ה

    כויה תחת כויה פצע תחת פצע חבורה תחת חבורה׃

  7. שְׁמֹות כ״א:כ״ו

    וכי יכה איש את עין עבדו או את עין אמתו ושחתה לחפשי ישלחנו תחת עינו׃

  8. שְׁמֹות כ״א:כ״ז

    ואם שן עבדו או שן אמתו יפיל לחפשי ישלחנו תחת שנו׃

  9. דְּבָרִים י״ז:ח׳

    כי יפלא ממך דבר למשפט בין דם לדם בין דין לדין ובין נגע לנגע דברי ריבת בשעריך וקמת ועלית אל המקום אשר יבחר יהוה אלהיך בו׃

  10. דְּבָרִים י״ז:ט׳

    ובאת אל הכהנים הלוים ואל השפט אשר יהיה בימים ההם ודרשת והגידו לך את דבר המשפט׃

  11. דְּבָרִים י״ז:י׳

    ועשית על פי הדבר אשר יגידו לך מן המקום ההוא אשר יבחר יהוה ושמרת לעשות ככל אשר יורוך׃

  12. דְּבָרִים י״ז:י״א

    על פי התורה אשר יורוך ועל המשפט אשר יאמרו לך תעשה לא תסור מן הדבר אשר יגידו לך ימין ושמאל׃

  13. דְּבָרִים י״ז:י״ב

    והאיש אשר יעשה בזדון לבלתי שמע אל הכהן העמד לשרת שם את יהוה אלהיך או אל השפט ומת האיש ההוא ובערת הרע מישראל׃

  14. מתיו ה׳:ל״ח

    שמעתם כי נאמר עין תחת עין שן תחת שן׃

  15. מתיו ה׳:ל״ט

    אבל אני אמר לכם אל תתקוממו לרע אך המכה אותך על הלפי הימנית הטה לו גם את האחרת׃