פסוקים על Alamoth

12 פסוקים · 2 היבטים

פסוקי מפתח

1 דִּבְרֵי הַיָּמִים ט״ו:כ׳
וזכריה ועזיאל ושמירמות ויחיאל ועני ואליאב ומעשיהו ובניהו בנבלים על עלמות׃
תְהִלִּים מ״ו:א׳
¶ למנצח לבני קרח על עלמות שיר אלהים לנו מחסה ועז עזרה בצרות נמצא מאד׃
תְהִלִּים מ״ו:ב׳
על כן לא נירא בהמיר ארץ ובמוט הרים בלב ימים׃
תְהִלִּים מ״ו:ג׳
יהמו יחמרו מימיו ירעשו הרים בגאותו סלה׃
תְהִלִּים מ״ו:ד׳
נהר פלגיו ישמחו עיר אלהים קדש משכני עליון׃
תְהִלִּים מ״ו:ה׳
אלהים בקרבה בל תמוט יעזרה אלהים לפנות בקר׃
תְהִלִּים מ״ו:ו׳
המו גוים מטו ממלכות נתן בקולו תמוג ארץ׃
תְהִלִּים מ״ו:ז׳
יהוה צבאות עמנו משגב לנו אלהי יעקב סלה׃
תְהִלִּים מ״ו:ח׳
לכו חזו מפעלות יהוה אשר שם שמות בארץ׃
תְהִלִּים מ״ו:ט׳
משבית מלחמות עד קצה הארץ קשת ישבר וקצץ חנית עגלות ישרף באש׃
תְהִלִּים מ״ו:י׳
הרפו ודעו כי אנכי אלהים ארום בגוים ארום בארץ׃
תְהִלִּים מ״ו:י״א
יהוה צבאות עמנו משגב לנו אלהי יעקב סלה׃