פסוקים על Adah

ויקח לו למך שתי נשים שם האחת עדה ושם השנית צלה׃

ותלד עדה את יבל הוא היה אבי ישב אהל ומקנה׃

ושם אחיו יובל הוא היה אבי כל תפש כנור ועוגב׃

וצלה גם הוא ילדה את תובל קין לטש כל חרש נחשת וברזל ואחות תובל קין נעמה׃

ויאמר למך לנשיו עדה וצלה שמען קולי נשי למך האזנה אמרתי כי איש הרגתי לפצעי וילד לחברתי׃

אלה שמות בני עשו אליפז בן עדה אשת עשו רעואל בן בשמת אשת עשו׃

ויהיו בני אליפז תימן אומר צפו וגעתם וקנז׃

ותמנע היתה פילגש לאליפז בן עשו ותלד לאליפז את עמלק אלה בני עדה אשת עשו׃